Për aksionin e në veri të Mitrovicës është deklaruar edhe kryeparlamentari Veseli, ai përmes një postimi në Facebook ka thënë se askush nuk do të shpëtoj nga dora e ligjit, përfshi ata njerëz që kanë abuzuar duke mbajtur uniformë e poste zyrtare të shtetit të Kosovës.
Veseli ka përgëzuar policët për kurajën dhe profesionalizmin e tyre gjatë aksionit, si dhe për katër policët e plagosur iu ka uruar shërim sa më të shpejtë.
Edhe Veseli i fton qytetarët në komunat veriore që të vetë-përmbahen, të ruajnë qetësinë si dhe mos të bien pre e propagandës që synon të instrumentalizoj për qëllime politike një aksion të rendit publik.
Aksionin e sotëm Veseli e cilëson në të mirë të qytetëve të veriut, pasi që ata sipas tij për një kohë të gjatë, janë ndjerë të kërcënuar e prekur nga prania e krimit të organizuar.
Veseli ka shtuar se Kosovëa është shtet i të gjithë qytetarëve , pa dallim etnie e feje dhe mbetet e angazhuar seriozisht për të mbrojtur të drejtat dhe interesat e të gjithë qytetarëve të saj kudo ku jetojnë. /Reporteri.net/
