Vjosa Osmani takohet me ambasadoren e re të Kroacisë në Kosovë, flasin për forcimin e marrëdhënieve mes dy shteteve

Nënkryetarja e Lidhjes Demokratike të Kosovës, Vjosa Osmani, ka takuar sot ambasadoren e re të Kroacisë në Kosovë, Danijela Barishiq.


Ambasadorja Barishiq ka uruar Osmanin për mbarëvajtjen e zgjedhjeve të 6 tetorit dhe ka shprehur gatishmërinë e Qeverisë së Kroacisë ta mbështesë Kosovën në proceset e ardhshme, njofton Klan Kosova.

“Osmani duke uruar Ambasadoren Barishiq për mandatin e ri në Kosovë, uroi për vazhdimin dhe forcimin e marrëdhënieve bilaterale Kosovë-Kroaci”.

“Njëkohësisht, Osmani shprehu pritjet tona që Kroacia, e cila do të marr Presidencën e Këshillit të BE-së, do të përkrahë edhe më fuqishëm Kosovën në procesin tonë euro-integrues”.