Pas përparimit të Kosovës për 17 vende në Indeksin e Perceptimit të Korrupsionit për vitin 2021, raportuesja për Kosovën në Parlamentin Evropian, Viola Von Cramon ka thënë se ky është një lajm i mirë.

Në një postim në Twitter, Von Cramon e ka quajtur si shpërblim të vogël për të gjithë në Kosovë, shkruan Gazeta Online Reporteri.net.

“Me të vërtetë lajme të mira për Kosovën sa i përket luftës kundër korrupsionit dhe krimit të organizuar. Kosova ka lëvizur lartë për 17 vende në indeksin e perceptimit të korrupsionit. Shpërblim i vogël për të gjithë në Kosovë”, ka shkruar Von Cramon.

Good news indeed on #Kosovo regarding the fight against corruption and organised crime. ?? has the jumped up the @anticorruption index 17 ranks. Small award for everyone in Kosovo! https://t.co/rKEgjD24p8

— Viola von Cramon (@ViolavonCramon) January 25, 2022

Kosova ka shënuar përparim të lehtë në luftën kundër korrupsionit, duke u vlerësuar me 39 pikë – tri më shumë sesa vitin e kaluar – në Indeksin e Perceptimit të Korrupsionit për vitin 2021, të përpiluar nga organizata ndërkombëtare, Transparency International.

Një vit më parë Kosova kishte 36 pikë. /Reporteri.net/