Një rast i rëndë ka ndodhur ditën e sotme në lagjen Kolovica në Prishtinë ku si pasojë e plagëve të marra nga një armë zjarri një person ka vdekur.
Zëdhënësja e policisë për rajonin e Prishtinës, Flora Ahmeti ka thënë për Gazetën Online Reporteri.net se viktima nuk ka arritur t’i përballojë plagët e shkaktuara, ndërsa ekipi mjekësor në QKUK ka konstatuar vdekjen e tij.
“Viktima e këtij rasti F.B. mashkull, nuk ka arritë të përballoj plagët e shkaktuara dhe i njëjti ka ndërruar jetë, vdekjen e tij e ka konstatuar ekipi mjekësor në QKUK. Aktualisht hetuesit policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë ngjarje”, tha Ahmeti për Reporteri.net.