Vuçiq reagon pas deklaratës së Sarrazin se nuk do të lejohet një “Republikë Srpska” në Kosovë

Presidenti i Serbisë, Alekdander Vuçiq, ka komentuar deklaratën e të dërguarit të posaçëm të Gjermanisë për Ballkanin Perëndimor, Manuel Sarrazin se nuk duhet të lejohet një Republikë Srpska në Kosovë.

“Nuk e kam ditur që ai ka thënë këtë – se nuk do ta lejojë, kam menduar se për këtë vendosin serbët dhe shqiptarët. Nuk e kam ditur që rreth kësaj vendosin gjermanët, por është mirë që Sarrazin atë e tha publikisht, pasi gjermanët veçse kishin vendosur tashmë për disa plane, mirë është që ai na e tha këtë publikisht”, ka thënë Vuçiq.

Përndryshe, Manuel Sarrazin, i dërguari special i qeverisë Federale Gjermane për Ballkanin Perëndimor ka thënë se nuk do të pranojnë që të ketë Republika Srpska në Kosovë.

“Nga ana tjetër, është gjithashtu e qartë se skenari më i keq ndonjëherë është i gabuar. Mund të jetë krijimi i një Republika Srpska të re, gjë që nuk është në interesin e askujt. Ne nuk do ta pranojmë një rezultat të tillë. Unë mendoj se shumica e popullit të Kosovës, asnjë politikan i Kosovës nuk do të pranojë këtë gjë”, ka thënë Sarrazin.

Sarrazin: S’pranojmë “Republika Srpska” në Kosovë