Kryetari i Vushtrrisë, Xhafer Tahiri, njëherit anëtar i Kryesisë së LDK-së ka kritikuar Qeverinë Kurti 2, ndërsa ka lavdëruar Qeverinë Kurti 1, ku në koalicion ishte edhe partia e tij.

Ai thotë se me Qeverinë Kurti 1, ai si kryetar i Vushtrrisë ka pasur bashkëpunim të mire, por jo tani me Qeverinë Kurti 2, pasi që prishën më parë koalicionin me Vetëvendosjen në Vushtrri.

“Qeveria Kurti 1 është e ndryshme nga Qeveria Kurti 2, me Qeverinë Kurti 1 ka qenë një bashkëpunim i jashtëzakonshëm, kurse Qeveria Kurti 2 ka një tendencë të bëhet argat i subjektit politik e jo qytetarëve”, ka thënë Tahiri në intervistën REPORTERI N’Komuna.

Ai ka akuzuar Qeverinë Kurti 2 se po i mbron qëndrimet e Degës së Vetëvendosjes në Vushtrri, e jo të qytetarëve. /Reporteri.net/.