Zemaj thotë se gjatë këtij muaji bëhemi me vaksinë anti-Covid, nuk jep datë të saktë

Ministri i Shëndetësisë, Armend Zemaj në mbledhjen e komitetit për COVID-19 ka thënë se vaksina anti-COVID pritet të arrijë në Kosovë gjatë këtij muaji, shkruan Rreporteri.net.

---

Duke mos dhënë shumë detaje për datën e saktë ai ka thënë se po vazhdojnë komunikimet për të siguruar vaksinën.

Ai ka thënë se për këtë çështje janë në komunikim të vazhdueshëm edhe me partnerët ndërkombëtarë.

“Angazhimi për marrjen e vaksinës është angazhim ditor dhe nacional jo vetëm i imi si ministër por edhe i partnerëve ndërkombëtarë. Është evidente që ka vështirësi në sigurimin e vaksinave, është duke vazhduar komunikimi me të gjithë.

Pjesa që ndërlidhet me COVAX konfirmimin e kemi marrë që sasia për Kosovën do të jetë në prodhim gjatë marsit, jemi në pritje, është komunikim ditor. Ne e kemi realizuar edhe planin e imunizimit, gjithçka është konform standardeve dhe po presim që sa më shpejtë të fillojnë vaksinimin”, tha ai. /Reporteri.net