Në vazhdim të një vizite në Gjermani, sot në Berlin, zëvendësministri i Jashtëm në largim Anton Berisha, në Bundestagun gjerman është pritur nga dy deputetët e CSU-së, Thomas Erndl, përgjegjës për Politikë të Jashtme dhe Anja Weisgerber.

“Në takim diskutuam për marrëdhëniet bilaterale Kosovë-Gjermani, për procesin e zgjedhjeve dhe krijimin e qeverisë së re, për procesin e liberalizimit të vizave, drejtësinë, sigurinë, integrimet evropiane dhe dialogun me Serbinë”, ka njoftuar Berisha në facebook.

“Theksova se Gjermania është shembulli më i mirë për shtetndërtim demokratik e zhvillimor dhe u dakorduam për të vazhduar bashkëpunimin”, ka shkruar ai.