Zyberaj: I bëjmë thirrje Serbisë, që të mos abuzojë politikisht me aksionin në veri

Këshiltari, Jetlir Zyberaj, i ministrit të Jashtëm në detyrë, Behgjet Pacolli, pas aksionit në veri të Mitrovicës i ka bërë thirrje Serbisë që të mos abuzojë politikisht me këtë operacion.


Zyberaj ka thënë se aksioni për të të arrestuarit e dyshuar për vrasjen e Oliver Ivanoviqit , është pjesë e përpjekjeve të Kosovës për sundim të ligjit dhe të rendit.

“Policia e Kosovës ka zhvilluar sot një operacion në veri të Kosovës për të arrestuar të dyshuarit e përfshirë në vrasjen e Oliver Ivanoviqit. Është pjesë e përpjekjeve të Kosovës për sundim të ligjit dhe të rendit. Ne i bëjmë thirrje Serbisë që të mos abuzojë politikisht me këtë operacion, por të bashkëpunojë me agjencitë e zbatimit të ligjit të Kosovës për të zbuluar të vërtetën për vrasjen e Oliver Ivanoviqit”, ka thënë ai.