×
  • Lajme
  • Lajme

    Zyrtari i LDK-së: Sabri Hamiti i mungon Kuvendit, u zëvendësuan nga diletantë politik e injorant lagjesh

    Reporteri
    10 Maj 2021 | 19:14

    Anëtari i Lidhjes Demokratike të Kosovës, Bardhyl Meta, ka uruar profesorin Sabri Hamitin me rastin ditëlindjes së tij, i cili sot i ka mbushur 71 vite.


    Meta ka thënë se në këtë ditëlindje të Hamitit, thotë se LDK’ja është varfëruar, bashkë me Kuvendin e Kosovës, me mungesën e Hamitit dhe personalitetet intelektuale të tjera.

    Ai thotë se tani Kuvendi është zëvendësuar me diletantë politik e injorant lagjesh.

    Postimi i tij i plotë:

    Urime prof. Sabri Hamiti!

    Ajo që po mendoja në këtë Ditëlindje, 71-vjetorin e lindjes së prof. Sabri Hamitit, është se sa është bjerrë e varfnu LDK-ja dhe mbi të gjitha Parlamenti i Kosovës, ndërkohë që aty mungojnë personalitete intelektuale si Profesor Hamiti (është tërheq!)- që u zëvendësuan nga diletantë politik e injorant lagjesh, degësh e mejhanesh – llumi i „Honit të hiçit“!

    Mu kujtua me këtë rast të 71 vjetorit të S.Hamitit dhe 31 vjetorit të LDK-ës, edhe Martin Camaj!?

    Pse?

    – Primo Shllaku, një mjeshtër Shkodran letrash shqipe, në veprën e tij “Një uliks që s’mërrin kurr në Itakë” shpalon kujtimet e „takimeve“ të tij me Martin Camajn, dhe aty mes tjerash, përmend vargjet që po sjell më poshtë, e t‘cilat Shllaku i kishte degjuar n‘familje, por që autor kishin Martin Camajn!

    – Ato, duket sikur t‘jenë shkruar sot – për Lidhjen Demokratike te Kosoves, këtë Post- Rugovianen, tani n’ mungesë edhe t‘prof. Hamitit:
    „Lahuta pushon në tra,
    pse mixha vdiq ka mot,
    e nipat s’dijnë me i ra“!

    Urime Ditëlindjen Prof. Sabri Hamiti – paç, si gjithherë faqen e bardhë, karshi Zotit, Kombit, Vendit dhe Familjes!

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!