Bëhen mbi 10 mijë nënshkrime në peticionin për ta pranuar Kosovën në Eurovision

Mbrëmjen e kësaj të shtune do të zhvillohet finalja e madhe e Eurovision 2022. Pjesë e saj janë 25 shtete, të cilët sonte do të konkurrojnë për vendin e parë.

Pjesë e këtij spektakli të madh nuk është akoma Kosova.

Përmes një peticioni online i është bërë thirrje EBU-së (Rrjeti i Transmetuesve Evropian), ta pranojë Kosovën si shtet në këtë festival.

Peticioni tashmë ka arritur në mbi 10.000 nënshkrime.

Faqja “Eurovision Kosovo”, ka njoftuar se ky është peticioni më i madh që i është drejtuar ndonjëherë EBU-së.

Kujtojmë se, Shqipëria këtë vit në Eurovision u përfaqësua nga këngëtarja Ronela Hajati me këngën “Sekret”.

Ajo ishte e para që performoi në natën e parë gjysmëfinale por u diskualifikua duke mos arritur ta prekë finalen, ndonëse kënga e Ronelës u pëlqye mjaft shumë nga publiku, duke arritur mbi 2 milionë klikime në Youtube për dy ditë. /Reporteri.net