Profilet në rrjetet sociale të dy reperëve, Mozzik e Loredana, janë të mbushura me fotografi ku çifti shpërfaqin jetën e tyre superluksoze.

Loredana sot u bë tema kryesore në mediat vendore dhe ato ndërkombëtare për shkak se akuzohet se i ka vjedhur rreth 900 mijë franga një çifti të moshuar zviceran, dhe i ka kanosur ata.

Reperja që sot është marrë në pyetje nga policia zvicerane dhe pastaj është liruar, ka bërë shpejt karrierë të reperes, shkruan express.

Ajo ka pak këngë, mirëpo ato llogariten të jenë bërë hite, e i kanë falur famë këngëtares sidomos në Gjermani e Zvicër.

Një gjë dihet: jeta e ciftit, që në dhjetor janë bërë prindër të një vajze, është e mbushur me luks.

Përvec që reperet vishen me marka super të shtrenjta se Gucci, Versace e Burberry, edhe vajzën e tyre e kanë bërë një fëmijë të dalluar.

Veshjet që ka Hana e vogël arrijnë shifrat deri në mijëra euro. Edhe ajo si prindërit vishet me markat më të shtrenjta.

Reperi i njohur Mozzik ka ndarë së fundmi me ndjekësit e tij në ‘Instastory’ garderobën e tij, duke treguar koleksionin e shtrenjtë të këpucëve.

Nëpërmjet disa ‘Instastory’ ai ka treguar se këpucët e tij mbajnë emrin e disa prej firmave më të rëndësishme të modës si: ‘AdidasxYeezy’, ‘Nike’, ‘Balenciaga’ etj, apo ato të Loredanës ‘Alexander McQueen’, ‘Adidas’, ‘Vans’, etj. /Express/