Reperja e popullarizuar nga Prizreni, Tayna, ka nisur xhirimet e videoklipit të saj të ri. Kjo në bazë të disa imazheve që kanë qarkulluar në rrjete sociale, të cilat e shfaqin atë duke xhiruar për klipin e radhës.

Në bazë të postimeve, një pjesë të këngës duket se po e realizon në Gjakovë ku shfaqet pranë një makine luksoze.

Kjo do të jetë kënga e katërt e Taynës për këtë vit, pas “Moona” në bashkëounim me L’Algerino, “Magdalena” me Flori Mumajesin dhe “WTF” me reperen Ivorian Doll.

Të gjithë këto këngë për pak kohë kanë grumbulluar miliona klikime në platformën zyrtare në YouTube.

Megjithatë, për projektin e radhës nuk është zbuluar ndonjë detaj tjetër nga Doruntina Shala (emri i vërtetë).

Artistja në anën tjetër duket atraktive duke u shfaqur më sportive në këtë pjesë të projektit.

Edhe ky do të jetë pjesë e “Friends Entertainment” i punuar nga producenti Cricket.