Aktorja dhe deputetja, Adriana Matoshi ka reaguar për rastin e 18-vjeçares nga Ferizaj e cila dyshohet se është keqtrajtuar nga dy të rinj.

Përmes një shkrimi në Facebook, Matoshi ka thënë se ka shumë të tjerë si Dardani (i riu i cili është në kërkim nga Policia), e që ecin lirshëm rrugëve.

Tutje ajo ka shkruar se është tmerr çfarë po përjetojnë gratë dhe vajzat në Kosovë.

Shkrimi i saj i plotë:

“Sa Dardani ec lirshëm në rrugë veç një Zot e di. Tmerr çfarë po përjetojnë vajzat dhe gratë tona. Qe sa vjet themi, ‘ishalla’ rasti i fundit, e rastet veç po rriten e po bëhen më të tmerrshme. Duhet një gjetje, një s’po di çka që ia futë në palcë frikën idiotëve dhe vrasësve, përndryshe shumë poshtë.

Më e keqja për ato nëna që përjetojnë dhunë në prezencë të fëmijëve e traumat po e bëjnë të veten pas një kohe.

Nuk kam fjalë”.

Theksojmë se njëri nga të dyshuarit me inicialet A.S është arrestuar, ndërsa Dardan Emrush Krivaqa është në kërkim.

/Reporteri.net/