Mbrëmë në shtëpinë e Big Brother VIP është futur një zarf i zi, i cili njoftonte se njëri nga banorët i ka dhënë informacione Beatrixës, duke e rënduar kështu gjendjen e saj psiqike.

Me t’u lexuar zarfi, Beatrix Ramosaj u shpreh se nuk e di pse e kanë shkruajtur ashtu, pasi nuk ndjehet e tillë, dhe se ajo vet fillimisht nuk e dinte se për kë bëhej fjalë, derisa më pas ajo tha emrat e Xheisarës dhe Egzonës, shkruan Gazeta Online Reporteri.net.

Banorët filluan menjëherë të diskutonin se cili mund të jetë banori që ka folur, e dyshimet e para janë tek banorët e rinj.

Nuk vonon shumë dhe ajo ftohet në dhomën e rrëfimit, dhe sapo del nga aty, Beatrix Ramosaj fillon duke thënë se nuk po ndjehet mirë.

Ani pse në fillim tha emrin e Xheisarës dhe Egzonës, tani këngëtarja nga Llapi filloi të përmendte një diskutim që kishte pasur me Arbërin, banorin e ri, duke hedhur kështu dyshimet e para se vet produksioni mund ta ketë udhëzuar atë.

Kujtojmë se sonte njëri nga banorët, Einxhel, Donald dhe Trixa do të largohet nga shtëpia e Big Brother VIP./Reporteri.net/