Ngjarje e rëndë: E përplas kamioni, më pas e shkel vetura, vdes 50-vjeçari

Një aksident me pasojë vdekjen ka ndodhur në Bypass-in e Fierit, në vendin e quajtur Baltez.


Sipas policisë një person rreth 50-vjeç është përplasur nga një kamion, i cili është larguar nga vendi i ngjarjes.

I ndjeri ka qenë me një karroce dore duke mbledhur kanaçe. Njëra anë e Bypass-it prej 30 minutash ndodhet e bllokuar.

Viktima pasi është përplasur nga kamioni që është larguar, si dhe është goditur edhe nga një mjet tjetër që vinte pas, bëjnë me dije burimet.

Policia ka kthyer mbrapsht mjetet e njërit krah të Bypass-it, ndërkohë që po punon për zbardhjen e shkaqeve të aksidentit.

Policia ndodhet në vendin e ngjarjes. Po punohet për identifikimin e viktimqs dhe zbardhjen e shkaqeve të aksidentit.