Ministria e Shëndetësisë dhe Mbrojtjes Sociale në Shqipëri ka njoftuar se gjatë 24 orëve të fundit janë kryer 2899 testime, nga të cilat kanë rezultuar pozitivë 349 persona me COVID-19, shkruan Reporteri.net.
Po ashtu, në këtë periudhë kohore, janë shëruar 604 pacientë, duke e çuar numrin e të shëruarve në 91,875 që nga fillimi i epidemisë.
Aktualisht në spitalet COVID në Tiranë dhe tre spitalet rajonale po trajtohen 279 pacientë, 9 në terapi intensive, nga të cilët 2 pacientë janë të intubuar.
Ndërkaq, 6 persona e kanë humbur betejën me koronavirus.