Muzeu arkeologjik i Elbasanit u mbyll aty rreth vitit 1993 ndërsa një pjesë e pasurisë së tij kaloi pranë Institutit të Monumenteve.

Por vlerat e shumta të trevës së Elbasanit dhe zbulimet e herë pas hershme arkeologjike e bëjnë domosdoshmëri rikthimin e këtij muzeu i cili do të ishte një vlerë e shtuar dhe një atraksion turistik për zonën.

Muzeu Arkeologjik i Elbasanit ishte i vendosur pranë Muzeut Historik në vitet ’90, por ishte pavioni më interesant dhe më i vizituar pasi objektet flisnin, raporton tch.

Tashmë historia e arkeologjisë së kësaj treve tregohet parimisht, duke humbur efektin visual dhe si rrjedhim rëndësinë dhe bukurinë e saj.