×
  • Lajme
  • Shqipëria

    Në bregdetin e Shëngjinit dhe të Tales mushkonjat “sulmojnë” pushuesit

    Reporteri
    25 Qershor 2019 | 17:43

    Në Shëngjin dhe në Tale të Lezhës ndryshe nga viti i kaluar këtë sezon turistik mushkonjat janë kthyer në shqetësim për pushuesit.


    Nga zyra e Kujdesit Shëndetësor në Lezhë thanë për ABC News se dezinsektimi do të realizohet shumë shpejt, pasi është në tenderim faza e tretë.

    Një vit më parë, zonat turistike të Lezhës u trajtuan që në muajin prill për minimizimin e pranisë së mushkonjave kryesisht në qytet si dhe bregdetin e Talës dhe Shëngjinit.

    Pavarësisht se jemi në kulmin e sezonit veror dhe Shëngjini ka njohur fluks të lartë vizitorësh, ky proces ende nuk është realizuar.

    Pushuesit në Shëngjin e Tale flasin për një shqetësim që sigurisht nuk mund të kalohet lehtë gjatë mbrëmjes. Pickimi i mushkonjave është një bezdisje e madhe për ta, ndaj kërkojnë zgjidhje, raporton abcnews.al.

    Pavarësisht se mjekët në Shëngjin nuk duan të flasim, pickimi i mushkonjave shkakton enjtje të lëkurës, skuqje, kruarje dhe dhembje. Per fëmijët, pacientët me imunitet të dobët dhe turistët mund shfaqet edhe ngritje temperature.

    Anafilaksia është dukuri e rrallë te pickimi i mushkonjave, mirëpo kur ndodh kjo mund të jetë fatale.

    Nënkryetarja e Bashkisë së Lezhës Alfrida Marku kërkon që ky proces të realizohet sa më parë që të jetë e mundur

    Dezinsektimi do të realizohet shumë shpejt pasi është në tenderim faza e tretë thotë përgjegjësja e Njësisë Vendore të Kujdesit Shëndetësor Lezhë, Zoje Zefaj.

    Sezoni veror ka kaluar 1 të tretën e periudhës së tij, ndërsa shpresohet që pickimet e mushkonjave të mos jenë një shqetësim për periudhën e mbetur të sezonit, por zgjidhja e problemit duhet pritur.

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!