Një 35-vjeçar mbeti i plagosur me armë zjarri mbrëmjen e së dielës në Lezhë. Ngjarja ka ndodhur në një lokal në lagjen “Gurra”, ndërsa i plagosuri është shtetasi Ridvan Koca, banues në Lezhë.
Sipas informacioneve, Koca po qëndronte në një lokal, kur një person i është afruar dhe ka qëlluar në drejtim të këmbëve të tij.
Ai është dërguar në spitalin Rajonal të Lezhës, jashtë rrezikut për jetën.
Për policinë ai ka deklaruar se nuk ka konflikte me njeri dhe nuk ka dijeni se kush mund të ishte atentatori.
Policia ka shoqëruar dhe po merr në pyetje disa persona që ishin të pranishëm edhe ndodhi plagosja.
Grupi hetimor po punon për zbardhjen e rrethanave të ngjarjes, identifikimin dhe kapjen e autorit.