Qëllohet me armë zjarri një servis makinash në Fier, autorët djegin BMW-në

Një servis makinash në afërsi të vendit të quajtur “Kryqëzimi i Parkut” është qëlluar me armë zjarri mbrëmjen e sotme.


Sipas policisë, persona ende të paidentifikuar duke udhëtuar me një mjet tip “BMW” hapën zjarr drejt servisit dhe më pas u larguan me shpejtësi duke i vendosur flakën makinës në lagjen “Afrim i Ri”.

Makina tip “BMW” pas verifikimeve ka rezultuar se targën e ka pasur false, pasi targa “AA 978 MY” i përket një makine tjetër tip ‘Renault’. Pas sinjalizimit, në vendngjarje kanë shkuar shërbimet e policisë dhe shërbimi zjarrfikës për shuarjen e zjarrit, ndërsa brenda makinës është gjetur arma e zjarrit, raporton shqiptarja.com.

Është ngritur grupi hetimor dhe po punon për zbardhjen e plotë të kësaj ngjarje, identifikimin dhe kapjen e autorëve.