Rama pritet nga Macron, drekë pune në Elysee

Kryeministri Edi Rama mbërriti në Pallatin Elysee në Paris pas ftesës së presidentit francez Emannuel Macron.


Rama dhe Macron do të kenë një drekë pune bashkë për të diskutuar për marrëdhëniet bilaterale mes dy vendeve, Planin Evropian të Investimeve në Ballkan dhe situatën e rajonit tonë.

Rama publikoi në “Facebook” momentet kur pritet nga Macron.

Për herë të fundit vizita zyrtare e kryeministrit Edi Rama në Francë ka qenë në majin e 2018.