Të dielën pa barnatore, furnizimi me ilaçe bëhet gjatë javës

Së bashku me shumë biznese të tjera edhe farmacitë janë të mbyllura të dielën. Problemet shëndetësore i bëjnë qytetarët të vihen në kërkim të farmacive megjithëse ajo që gjejnë janë qepenat e mbyllura të këtyre bizneseve.


Në kohë pandemie, farmacitë janë trajtuar si të gjitha bizneset e tjera, pa të cilat edhe mund të gjendet një zgjidhe.

Ky aktivitet më një rëndësi të tillë, të dielave është mbyllur, duke i bërë qytetarët të parashikojnë edhe se çfarë mund të ndodhë me shëndetin e tyre që të furnizohen me medikamentet e nevojshme.

Temperaturat e larta shtojnë edhe më shumë shqetësimet shëndetësore, ndaj për qytetarët ky vendim është i padrejtë.

”Farmacitë mbyllur janë se e pashë rrugës. Nuk më duket e drejtë. Ose të bëhet një kriter. Jo mbyllur fare. Nuk është e drejtë. U sëmura unë ku do shkoj t’i marr ilaçet? Çdo gjë duhet hapur, sidomos farmacitë. Nuk ka në asnjë vend që të shikojmë një farmaci. Nuk është e rregullt.”

Disa madje kanë kaluar edhe shqetësime me zemrën.

”Mbyllur dyqani i bukës, mbyllur farmacia. Kërkova se vuaj nga zemra. Nuk e di kush mu gjend përpara më dha një adalat, e futa ndër gjuhë që më kaloi.”

Në vendin tonë, lehtësime ka pasur për thuajse të gjitha bizneset që prej muajit maj, por nuk k ndodhur e njëjta gjë me farmacitë, ato vazhdojnë të trajtohen njësoj si restorantet lokalet apo dyqanet e veshjeve.