Pas Blaise Matuidit, një tjetër futbollist nga Serie A konfirmohet me koronavirus.
Madje, ky është alarm edhe për dy futbollistët shqiptarë, Amir Rrahmani e Marash Kumbulla, pasi bashëlojtari i tyre, Mattia Zaccagni është diagnostifikuar me pandeminë “Covid 19”, përcjell GazetaBlic.
Kështu ka konfirmuar vet klubi nga “Marc’Antonio Bentegodi” përmes një komunikate në sajtin zyrtar.
Gjithashtu, Verona shton se futbollisti i tyre është në gjendje të mirë, ndërsa e gjithë skuadra do të kalojë në vet-izolim deri më 25 Mars.Më poshtë edhe komunikata:
“Hellas Verona FC komunikon se Mattia Zaccagni i është nënshtruar testeve mjekësore të cilat kanë treguar se është pozitivë ndaj Coronavirus-COVID-19. Futbollisti, pra si e gjithë skuadra, do të vazhdojë izolimin vullnetar në shtëpi deri më 25 mars, ku do të monitorohet. Zaccagni është në gjendje të mire ndërsa, ditët e fundit ai ka pasur vetëm disa linja ethe“ shkruan më tej klubi nga qyteti i dashurisë.