Humoristi i njohur, Rasim Thaçi, i njohur si Cima, i ftuar në emisionin N’Konak në TV Dukagjini, ndër të tjera ka folur edhe për karrierën e tij si futbollist.
“Kam qenë talent i futbollit, fillimisht si i ri në Prishtinë e më pas te Flamurtari. Nuk na kanë lejuar të shkojmë më lart, sepse politika ka ndërhyrë edhe në sport, por kemi pasur potencial të mirë. Personalisht, mendoj se kam qenë nivel e Xherdan Shaqirit dhe disa futbollistëve të sotëm, por kushtet nuk kanë lejuar të arrijmë më shumë”, ka thënë Thaçi.
Ai ka shtuar se e përcjell me kujdes Përfaqësuesen e Kosovës, duke theksuar se trajneri Bernard Challandes dhe futbollistët e tij janë duke bërë punë të shkëlqyeshme.