Dorëzohet Spanja, i referohet Kosovës në emër

Kombëtarja e Kosovës në futboll sonte zhvillon një nga ndeshjet më të rëndësishme, atë kundër Spanjës. Spanja synon tre pikë në këtë takim për kualifikim direkt në Kupën e Botës, kurse Kosova synon një paraqitje sa më të mirë.


Edhe pse gjatë ditës së djeshme, Federata e Futbollit të Spanjës e kishte injoruar termin “Kosovë”, sot në një postim në profilin zyrtar në Twitter, kjo federatë ka paralajmëruar ndeshjen me emrin e plotë të shtetit tonë.

Reklamë

Trajneri i Spanjës, Luis Enrique, tha dje që ata kanë ardhur të luajnë futboll e jo të bëjnë politikë.

Kujtojmë se Spanja është njëra prej tri kombëtareve në grupin e verdhekaltërve, bashkë me Greqinë dhe Gjeorgjinë, që s’e njohin pavarësinë e Kosovës. /Reporteri