Kanë përfunduar edhe ndeshjet e raundit të 27-të në kuadër të Superligës së Kosovës në futboll, anipse derbi ndërmjet Gjilanit dhe Ballkanit është suspenduar për shkak se tifozët e Gjilanit hyrën në fushë dhe sulmuan fizikisht porterin e Ballkanit, Stivi Frashërin i cili u shoqërua për spital dhe akutalisht është në gjendje të mirë, përcjell Reporteri.net.

Në anën tjetër,Drenica ka shënuar një fitore të thellë ndaj Feronikelit, skuadër të cilën e ka mposhtur me rezultat 6-0 duke marrë kështu tri pikë shumë të rëndësishme.

E, Ballkani mbetet lider i tabelës me 50 pikë, e ndjekur nga Gjilani me 50 dhe Drita me 49 pikë, kurse Llapi pas humbjes nga Prishtina ka mbetur me 41 pikë në vendin e katër, derisa e pesta është Prishtina me 35 pikë.

E, në vendin gjashtë është Drenica me 35 pikë, një më shumë se Malisheva e vendit të shtatë, kurse tri vendet e fundit mbahen nga Dukagjini, Ulpiana dhe Feronikeli.

Tabela: