Pas Hakan Çalhanoglu, Frank Kessie, Giggi Donnarumma edhe Alessio Romagnoli pritet të largohet nga skuadra e AC Milan me kosto zero, përcjell Reporteri.net.

Që nga ardhja e Fikayo Tomori në Milan, drejtuesit e Milan kanë harruar mbrojtësin italian, madje sa ishte në formë Simon Kjaer, mbrojtësin italian Stefano Pioli e linte në stol.

E, kjo si duket nuk i ka pëlqyer aspak Romagnolit, i cili është duke menduar të largohet nga skuadra e kuqezinjve.

Megjithatë, konkurrenca nuk është e vetmja arsye e largimit të 27 vjeçarit me koso zero.

Duke qenë se ai fitonte mbi 5 milionë euro në vit, drejtuesit e Milan i kanë propozuar mbrojtësit kuqezi që të rinovojë kontratën e tij me ulje page, duke ia paraqitur një pagë prej 2.3 milionë në vit sipas asaj çfarë ka raportuar “Tuttosport”.

Ndërkaq, destinacioni i radhës për Romagnoli pritet të jetë Lazio, drejtuesit e të cilës i kanë ofruar kontratë 4 vjeçare me pagë 3 milionë euro neto në vit.

Ende nuk dihet nëse mbrojtësi italian është në gjendje të largohet përfundimisht nga Milan.