Promovuesi Eddie Hearn thotë se Anthony Joshua dhe Tyson Fury mund të konsiderojnë heqjen e të katër rripave të titullit botëror për të siguruar që lufta e tyre e mundshme të ndodhë.

Ndeshja ndaj peshave të rënda britanike do të ishte lufta e parë në histori në të cilën të katër titujt e peshave të rënda janë në linjë.

Fury, 32 vjeç, është kampion i WBC ndërsa Joshua, 31 vjeç, mban rripat IBF, WBA dhe WBO.

“Ne kemi një luftë në duart tona, dhe më vjen keq për organet drejtuese, që eklipson të gjitha rripat,” tha Hearn.

“Ne duhet të jemi paksa të kujdesshëm sepse mund të themi shumë lehtë ‘T’i heqim qafe politikat tani. Të heqim dorë nga të gjithë titujt sepse nëse e humbim një do t’i humbim të gjithë’”, theksoi ai.

Hearn shtoi: “Kjo është lufta më e madhe në botën e boksit”.

Joshua e bëri edhe më të mundur meçin me Fury duke e nokautuar Kubrat Pulevin të shtunën.

Por WBO pret që Joshua të përballet me Oleksandr Usyk në meçin e radhës, duke i rritur gjasat që Joshua të heqë dorë nga ky titull apo Usyk të paguhet për t’u mënjanuar.