Dje është zhvilluar ndeshja ndërmjet skuadrave gjermane: Dortmund dhe Leipzig, ku skuadra e Dortmundit është mposhtur në shtëpi me rezultat të thellë, 1-4, përcjell Reporteri.net.

Megjithatë, në Rusi tifozët rusë të ekipeve gjermane patën mundësi vetëm 13 minuta ta shikojnë këtë ndeshje.

Kjo pasiqë ndeshja është ndërprerë pas 13 minutash në kanalin rus “Match”, për shkak të mesazheve duke mbështetur Ukrainën.

“Ndal Luftës” dhe “Qëndro me Ukrainën” ishin mesazhet e shfaqura në ekran ku komentatori i ndeshjes ka njoftuar se do ndërpritej transmetimi i ndeshjes, shkruan “Ukraine Now”.

Edhe nga Premier League vendosën që për shkak të luftës të ndërpriste marrveshjen për transmetimin e kampionatit anglez në Rusi, për shkak të luftës së nisur në Ukrainë.