Dominic Boesel rimori titullin e kampionit të botës duke mposhtur boksierin shqiptar Robin Haxhi Krasniqi.

Pas 12 raundeve, vendimi për fituesin i takoi tre gjyqtarëve.

Edhe pse u mendua që Krasniqi dominoi në shumicën e raundeve, dy prej tyre e votuan gjermanin, që pastaj edhe mori titullin.

Maab ishte i vetmi që e vlerësoi më lartë shqiptarin duke e notuar me 115 pikë, një më shumë se Boeselin (114 pikë).

Mirëpo, për Morales pikët ishin 112 – 116 në të mirë të Boesel, derisa Putz vendosi pikët 114 – 115.

Krejtë në fund, Boesel fitoi me pikë 345 – 341.