Fillimisht parashihej që takimet të luhen me dyer të mbyllura, por konfirmimi i rasteve të Artetas e Hudson-Odoit riktheu gjithçka nga zeroja.

Premier Liga vendosi që t’i pezullojë dy xhirot vijuese, si formë parandalimi ndaj pandemisë e cila tani ka prekur edhe ishullin.

Dy skuadrat e Premier Ligës ndërkaq, Aston Villa dhe Brighton kanë vendosur që shujtat ditore të cilat ishin të rezervuara për lojtarët për ndeshjet e javës së kaluar, t’i dhurojnë për të pastrehët.

Kujtojmë, Aston Villa supozohej të përballej me Chelsean, derisa Brightoni do të luante ndaj “topçinjëve”, por që asnjëri takim nuk u zhvillua.Deri më tani në ishull, nga virusi kanë ndërruar jetë 21 persona, kurse edhe më tutje primatin në Evropë për nga numri i viktimave e ka Italia me 1441 sosh.