Sot është ndërprerë ndeshja mes Gjilanit dhe Ballkanit pas një sulmi qyqar që tifozët vendas i bën portierit Stivi Frashëri, përcjell Reporteri.net.

Porteri i Ballkanit u sulmua pasiqë skuadra e Gjilanit shënuan me portierin e tyre nga goditja e këndit në minutat shtesë të ndeshjes.

E, Frashëri u dërgua pa ndjenja në spitalin e Gjilanit pasi u sulmua me grushte e shqelma nga disa tifozë vendas.

E, kanë reaguar me anë të një postimi në Facebook edhe nga klubi i Gjilanit për ndërprerjen e ndeshjes, por në njoftim nuk thuhet se dënohet ky sulm i tifozëve të këtij klubi karshi porterit mysafir.

Në komunikatën e Gjilanit shkruan vetëm se ndeshja u ndërpre nga gjyqtari Genc Nuza pa dhënë arsyen e ndërprerjes së ndeshjes dhe nuk e dënuan fare sulmin që i është bërë portierit mysafirë.

Postimi i plotë:

ZYRTARE: Ndërpritet ndeshja Gjilani – Ballkani

Dueli ndërmjet Gjilanit dhe Ballkanit është ndërprerë me vendim final të gjyqtarit kryesor Genc Nuza në minutat shtesë të takimit (1-1).

Klubi pret vendimin përfundimtar nga Komisioni i Garave.

Zyrja për informim

3 Prill, 2022