Justin Jimenez u largua nga palestra “Staples” 45 mijë dollarë më i pasur, pasi arriti të tregohet i saktë në një goditje nga mesi i fushës.

Kishin kaluar shtatë vjet që nga hera e fundit që Justin Jimenez i kishte marrë djemtë e tij në një ndeshje të Los Angeles Lakers. Këtë herë, ishin djemtë e tij ata që u përkujdesen për biletat.

Ata ia blenë babait të tyre biletat për ditëlindjen e tij dhe fati e deshi që pikërisht Jimenezit t’i jepej mundësia për t’i fituar 45 mijë dollarë me një kosh, edhe pse ai nuk e pranoi lehtë këtë ofertë.

“Unë mendova me vete: ‘Djemtë janë këtu, ne erdhëm nga San Diego – Sa kam mundësi që ta shënoj këtë kosh?. Askush nuk priste që unë të kish sukses, kështu që thashë pse jo”, ka thënë Jimenez.

 

View this post on Instagram

 

Justin Jimenez is going home with $45k after hitting the Big Shot Jackpot, presented by @parkmgm

A post shared by Los Angeles Lakers (@lakers) on Mar 24, 2019 at 8:46pm PDT

46-vjeçari, inxhinier, kishte shpresuar vetëm që të mos tregohej shumë i dobët dhe ta gjuante topin krejtësisht gabimisht. Mirëpo, në vend të kësaj, ai bëri shumë më shumë se kaq, duke u treguar i sakte nga mesi i fushës.

Palestra “Staples” i kishte sjellë edhe më parë fat të mirë familjes Jimenez. Ata kishin blerë bileta për shfaqjen e Drake në tetor dhe ekipi i repistit kanadez ia kishte ofruar atyre biletat VIP falas. Tani, Jimenez u bë 45 mijë dollarë më i pasur, falë një koshi.

“Është e pabesueshme. Nuk mund ta besoj këtë që ndodhi”, ka thënë Jimenez.