Liverpooli triumfon pastër ndaj Southamptonit, i afrohet top-4shes

Liverpooli ka shënuar një fitore të rëndësishme ndaj Southamptonit me rezultat të pastër 2:0, në kuadër të javës së 35-të në Premierligë.


Goli i parë i ndeshjes u shënua në minutën e 31-të nga Sadio Mane.

Krejtë në fund, Thiago Alcantara realizoi golin e dytë në minutën e parë shtesë për t’ia siguruar pikët e rëndësishme ekipit të Jurgen Klopp.

Me këtë fitore, Liverpooli shkon në kuotën e 57 pikëve në vendin e gjashtë, gjashtë më pak se Leicesteri i vendit të katërt, por “Reds” kanë një ndeshje më pak të luajtur, atë kundër Manchester Unitedit.

Në anën tjetër, Southampton mbetet në vendin e 16-të me 37 pikë, teksa ende matematikisht nuk e ka siguruar mbijetesën.