Skuadra e Llapit është fituese e Kupës së Kosovës në futboll. Llapi e ka fituar Kupën pas ekzekutimit të penalltive (5:4) kundër Dukagjinit.

Koha e rregullt dhe ajo dy herë nga 15 minuta përfundoi baras.

Me triumfin në Kupë, Llapi e ka siguruar edhe daljen në Evropë, përkatësisht në Ligën e Konferencës. Për Llapin është hera e parë që fiton Kupën e Kosovës.

Llapi dhe Dukagjini u përballën sonte në finalen e Kupës së Kosovës në futboll,që u zhvillua në stadiumin “Fadil Vokrri”.

Fituesi i Kupës u  vendos pas ekzekutimit të penalltive.

Për Llapin luajtën: Çoriqi në portë, në mbrojte Peposhi, Idrizi, Prençi dhe Emini, në mesfushë, Shabani, Arbor Ramadani dhe Hoti, si dhe treshja e sulmit, Sadriu, Selmani e Januzi. Trajner i Llapit: Tahir Batatina.

Kurse Dukagjini, në portëpati Altik Muhaxhinin, pasta, Basriu, Syla, Kuqi, Gashi, Hasanaj, Millaku, Jashanica, Merlaku, Osmani dhe Mulaj. Trajneri i Dukagjinit: Armend Dallku.