Klubi Futbollistik “Llapi” e ka prezantuar futbollistin me pasaportë belge Amir Hossari.

Futbollisti është prezantuar në hapsirat e stadiumit “Zahir Pajaziti” në Podujevë dhe pritet të mbajë numrin “3”.

Për faqen zyrtare të klubit ai është shprehur i kënaqur me arritjen e kësaj marrëveshje.

Ja dhe publikimi i plotë i klubit:

Llapi është përforcuar me mbrojtësin e krahut të majtë, libanezin me nënshtetësi belge, 27 vjeçarin, Amir Hossari. Palët kanë kompletuar dokumentacionin dhe kanë nënshkruar kontratë bashkëpunimi deri në qershorin e vitit 2022.

Hossari është futbollist i tre pozitave, mbrojtës e mesfushor i majtë e si dhe mesfushor defanziv, i cili vije nga skuadra e elitës së futbollit libanez, Shabab Bourj.

“Elitën e futbollit kosovar e kam shikuar vazhdimisht dhe kur në drejtim timin erdhi një ofertë nga një klub shumë serioz dhe i organizuar siç është Llapi, pa hezitim pranova dhe jam mjaft i lumtur që sot jam këtu”

“Do jap maksimumin për klubin i cili pretendon të jetë lartë në kampionat dhe të siguroj plasman sa më të lartë në Kupë. Tanimë jam i njoftuar me ambientin, stafin teknik dhe lojtarët. Na mbetet të përgaditemi sa më mirë që të arrijmë suksesin së bashku”, u pronocua për faqen zyrtare të klubit, futbollisti Amir Hossari me rastin e nënshkrimit të kontratës 1 vjeçare e gjysmë me KF Llapin, i cili do mbaj numrin 3 në fanellë.

Ky transferim është mundësuar falë angazhimit të menaxherit shqiptar të lojtarit, Musa Quranolli nga Baseli.