Federata e Futbollit e Gjermanisë ia ka shuar të gjitha shpresat skuadrës së Freiburgut lidhur me mundësinë e marrjes së tre pikëve, përcjell Reporteri.net.

DFB ka vendosur në favor të Bayern Munichit lidhur me ndeshjen ndaj Freiburgut në kuadër të javës së 28-të në Bundesligë.

E, pikërisht në këtë ndeshje nga Bayern kishin luajtur për 20 sekonda me 12 lojtarë në fushën e blertë.

Freiburg kishte dërguar ankesë për këtë, mirëpo klubi i Bayern nuk është dënuar si rezultat i gabimit të gjyqtarëve.

Sipas DFB-së, faji nuk i takonte Bayernit për këtë gabim, por gjyqtarëve të ndeshjes.

Sipas kësaj Gjykate, gjyqtari i katër duhej të kishte pritur derisa lojtarët e zëvendësuar të largohen nga fusha e lojës, para se të lejonte hyrjen e zëvendësuesve të tyre.

“Bavarezët” kishin shënuar fitore në këtë ndeshje me rezultatin 1-4, fitore dhe rezultat i cili është regjistruar nga Federata e Futbollit e Gjermanisë.