Skuadra e Parisit e ka zhvilluar ndeshjen e parë në kuadër të Ligës së Kampionëve, ndaj Brugge.

Ky takim u mbyll në 1:1 edhe pse Parisi filloi me treshen e frikshme të sulmit, Neymar, Messi dhe Mbappe, shkruan Reporteri.net

Ylli i ‘Parisienëve’, Kylian Mbappe u detyrua të largohej nga loja në pjesën e dytë shkaku i një lëndimi.

Mbappe u zëvendësua në minutën e 51’ me Mauro Icardin pasi nuk mundi të vazhdonte lojën.

Futbollisti besohet se ka dëmtuar kyçin e këmbës dhe sot pritet që pas testeve mjekësorë të mësohet shkalla e dëmtimit.

Gjiganti francez shpreson që të mos jetë lëndim serioz pasi Mbappe është shumë i rëndësishëm për klubin.