Menaxheri i Feyenoordit, Arne Slot ka konfirmuar se ka pranuar ofertën e Liverpoolit për kryetrajner.

“Feyenoordi dhe Liverpooli janë në bisedime. Po pres të shoh se çfarë do të ndodhë, por unë kam vendosur”, ka thënë Slot.

“Jam i bindur dhe po pres që klubet të arrijnë marrëveshjen, por po… dua të nënshkruaj për Liverpoolin”, ka thënë ai.

Jurgen Klopp ka konfirmuar se do të largohet nga Liverpooli në fund të këtij sezoni.