Shkodran Mustafi mbrëmë u rikthye për të luajtur me Arsenalin në ndeshjen që londinezët e fituan 3-0 ndaj Frankfurtit në kuadër të Europa Ligës

Shkodran Mustafi lidhej me një largim nga Arsenali në afatin e fundit kalimtar, por një gjë e tillë nuk ndodhi, shkruan Reporteri.net

Mbrojtësi i Arsenalit ka thënë se babai i tij, i cili është edhe agjenti tij ka folur me klubin.

“Babai im, që është agjenti im, ka folur me klubin,” ka thënë Mustafi.

“Jam lojtar i Arsenalit dhe më kanë mbetur edhe dy vite kontratë.

“S’kam qenë asnjëherë person që nis luftën kur diçka nuk funksionon.

“Gjithmonë kam thënë, nëse është e mundur, jam i gatshëm për hapin e radhës. Nëse jo, do të vazhdoj të bëj lojën time.

“Trajneri [Emery] ka thënë se më sheh në të njëjtën mënyrë si lojtarët tjerë në ekip. Kjo është pse luajta (mbrëmë). Do të shohim çfarë na ka rezervuar e ardhmja,”. /Reporteri.net/