Ditë më parë është raportuar se skuadra turke, Fenerbahce, ka përjashtuar mesfushorin turk, Mesut Ozil, përcjell Reporteri.net.

Në bazë të asaj çfarë ka raportuar e famshmja spanjolle “AS” Ozil ishte përjashtuar nga klubi turk ngase drejtuesit dhe trajneri nga kjo skuadër e kishin konsideruar të dobët performancen e tij.

Ndërkaq, për zëvendësimin e tij, klubi turk është në bisedime me drejtuesit e skuadrës së Llapit, për të transferuar lojtarin e kësaj skuadre, Valmir Veliu.

Vlen të përmendet se për bisedime të tilla, trajneri i skuadrës së Llapit, Tahir Batatina, në një bisedë për Gazetën Online, Reporteri.net, kishte konfirmuar se drejtuesit e Fenerbahce janë duke vëzhguar lojtarin llapjan.

Ndërkaq, raportuar se sot Fenerbahce ka nisur procedurat për shkëputjen e kontratës me mesfushorin.

E, ai mund të kalojë si lojtar i lirë te ndonjë skuadër tjetër.

Hull City, klubi anglez që ka një pronar turk, është përmendur si një destinacion i mundshëm për ish-lojtarin e Real Madridit e Arsenalit.

Për 33-vjeçarin nuk përjashtohet as kalimi te skuadra nga MLS, Inter Miami.

Ozil thuhet se gjithmonë ka ëndërruar të luajë në Shtetet e Bashkuara të Amerikës dhe nënshkrimi me klubin e David Beckhamit duket i mundur.