Trajneri i PSG-së, Mauricio Pochettino, ka lënë të kuptohet se menaxhimi i portierëve do të ndryshojë sezonin e ardhshëm dhe ka sqaruar komentet e Keylor Navas për Gigio Donnarumma, shkruan Reporteri.net.

Navas tha të enjten mbrëma se nuk donte më të ndante vendin me Donnarumma në sezonin 2022-2023, duke sugjeruar që ose ai ose Gigio të largoheshin gjatë verës.

Pochettino tha gjithashtu se do të merrte vendime të ndryshme sezonin e ardhshëm, duke lënë të kuptohet se nuk do t’i rrotullonte më dy portierët e tij në sezonin 2022-2023.

Ish-trajnerit të Tottenhamit iu kërkua të komentojë citimet e Keylor gjatë një konference për shtyp sot.

“Kam folur edhe pas ndeshjes. Keylor shpjegoi ndjenjat e tij për të ardhmen dhe jo për atë që ndodhi në të kaluarën”, tha Pochettino.

“Mendoj se ai e shpjegoi veten shumë mirë. Gjëja më e rëndësishme është që të arrijmë objektivat tona dhe ta përfundojmë vitin në mënyrën më të mirë që mundemi.

“Ne do ta shkruajmë të ardhmen në rrethana të ndryshme, duke marrë parasysh përvojën e asaj që ndodhi këtë sezon.

“Kjo vlen për Keylor Navas dhe shumë lojtarë të tjerë. Unë fola me Keylor sot, jo për këtë, por për gjëra të tjera që do të mbeten private.”

Donnarumma ka luajtur 22 ndeshje në PSG këtë sezon, një më pak se shoku i tij i skuadrës.

23-vjeçarit  kontrata i skadon në qershor 2026 dhe sipas La Gazzetta dello Sport, PSG mund të vendosë ta huazojë atë në verë nëse Pochettino qëndron.

Skenari do të ndryshojë nëse trajneri argjentinas largohet nga klubi dhe veçanërisht nëse Antonio Conte, një nga kandidatët kryesorë për postin e PSG-së.