×
  • Sport
  • Sport

    Rrëfimi i presidentit të Bayernit: E kam shqyer prapanicën për tifozët, qava si foshnje në burg

    Reporteri
    01 Nëntor 2019 | 10:52

    Presidenti i Bayern Munichut, Uli Hoeness, ka zbuluar se ai kishte qarë “si foshnje” për shkak të mbështetjes që mori gjatë kohës së tij në burg, shkaku i evazionit fiskal. Hoeness deklaroi se ai tifozët e klubit e dinin se ai ka bërë gjithçka për klubin gjerman.


    Uli Hoeness i ka kaluar 49 vjet me Bayernit – fillimisht si lojtar, pastaj si menaxher i përgjithshëm e së fundi si president i klubit, pozitë kjo nga e cila do të largohet më 15 nëntor këtë vit, transmeton Gazeta Express.

    Hoeness i ka fituar shumë trofe dhe çmime individuale gjatë kësaj periudhe të tij me Bayernin. Mirëpo, vendimi për ta dënuar me burgim shkaku i shmangies në pagimin e taksave në vitin 2014 e ka lënë një njollë në karrierën e tij të suksesshme.

    “Ai ishte gabimi im më i madh. Pendohem thellësisht dhe kritikat për atë gjë janë të arsyeshme. Unë e dija se do të duhej të shkoja në burg. Franck Ribery qau dhe tifozët e brohoritën emrin tim. Kjo më ndikoi në mënyrë të pabesueshme”, ka thënë Hoeness.

    “Disa nga letrat që i merrja në burg ishin aq prekëse saqë unë qaja si foshnje në qelinë time. Unë vetëm mund të buzëqesh kur më kujtohet kritikat. E di që tifozët e dinë, thellë-thellë, se unë gjithmonë e kam shqyer prapanicën dhe kam bërë gjithçka për ta”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!