Stoliset fshati Olimpik në Tokio me flamuj të Kosovës

Nga 23 korriku deri më 7 gusht 2021 në Tokio të Japonisë do të zhvillohen Lojërat Olimpike të cilat ishin të planifikuara të mbahen në vitin e kaluar por që kjo nuk ndodhi për shkak të pandemisë COVID-19.


Në këtë ngjarje të madhe sportive, Kosova do të përfaqësohet nga 11 sportistë nga fusha të ndryshme, raporton KP.

Tashmë në Tokio kanë zbarkuar pothuajse e gjithë ekipa e Kosovës e cila kryesohet nga pesë xhudistë.

Fotot që vijnë nga Fshati Olimpik shfaqin shumë flamuj të Kosovës nëpër rrugë dhe ndërtesa që tregojnë mikpritjen e madhe për sportistët tonë atje.