Presidenti i Kosovës, Hashim Thaçi ka takuar pak momente më parë kampionët e Kosovës, Feronikelin të cilët pritet sot ta zhvillojnë një miqësore me Milanin.

Skuadra kampione e Kosovës do të ndeshet sonte në stadiumin ‘Fadil Vokrri’ me 7-herë kampionët e Evropës, Milanin, shkruan Reporteri.net

E kur kanë mbetur disa orë nga fillimi i ndeshjes, presidenti i Kosovës, Hashim Thaçi i ka kushtuar një vizitë atyre në hotelin ku po qëndrojnë.

Ai ka kërkuar që sonte të gjithë ta përkrahim Feronikelin.

“Para ndeshjes me Milanin, takova lojtarët e Feronikelit-kampion i Kosovës në futboll. Sonte, të gjithë me Feronikelin! Shihemi në stadiumin “Fadil Vokrri”. HTH”, ka shkruar Thaçi në facebook.

Ndryshe ndeshja zhvillohet me fillim nga ora 20:45.

Kujtojmë që Gazeta Online Reporteri.net ishte e para që raportoi për ardhjen e gjigantit italian në Kosovë./Reporteri.net/