Ylli i sportit të golfit, Tiger Woods është dërguar me urgjencë në spital pasi ka qenë pjesë e një aksidenti automobilistik në Kaliforni.
Lajmi është publikuar nga Departamenti i Policisë së Los Angeles-it që ka komunikuar se 45-vjeçarit i është dashur ndihma e zjarrfikësve dhe ndihmësmjekëve që u gjendën në vendin e aksidentit në kufirin e Rolling Hills Estates dhe Rancho Palos Verdes të shtetit të Kalifornisë.
Sipas raportimeve paraprake Woods ka marrë plagë serioze dhe ende nuk dihet nëse rrezikon jetën.