Trajneri i Çekisë, Jaroslav Silhavy në një intervistë të gjatë për mediet çeke ka rrëfyer emocionet e rrugëtimit për kualifikime në Kampionatin “Evropian 2020”.

Ai në pyetjen se cila ka qenë ndeshja më emocionuese në këto kualifikime ka thënë se ishte ajo me Kosovën në Prishtinë, kur ishin duke udhëhequr me rezultat 1:0 ndërsa u mposhtën 2:1 dhe ai rezultat i vuri në presion në ndeshjet e radhës.

“Ndeshjet më emocionuese ishin me Kosovën, ajo e zhvilluar në shtatorit kur ne po udhëhiqnim 1:0 ndërsa në fund u mposhtëm me rezultat 2:1 në Prishtinë.

Ai ishte rezultati padyshim më i keq i mundshëm për ne, pasi ne vështirësoi rrugëtimin për kualifikim, madje edhe na i ndryshoi planet. Fatmirësisht disa ditë më vonë ne morëm fitoren ndaj Malit të Zi në udhëtim dhe kjo i ktheu gjërat në normalitet”, ka thënë Silhavy