Kryetari i parë i FFK-së, Agim Bytyqi është ndarë nga jeta më të dashurit e tij sot. Ai ishte kryetari i parë i Federatës së Futbollit të Kosovës.

Federata e Futbollit të Kosovës (FFK), ka njoftuar sot se ka ndërruar kryetari i parë i saj.

FFK me anë të një telegrami ka falëndëruar Agim Bytyqi, duke e vlerësuar lart figurën e tij për kontributin e jashtëzakonshëm në futbollin kosovar, pavarësisht rrethanave.

Agim Bytyqi ishte kryetar i FFK-së në kohën kur Kosova shtypej nga regjimi i Milosevicit në vitet e 90-ta.

“Kontributi i Agim Bytyqit për futbollin e Kosovës ishte kulminant, i jashtëzakonshëm dhe i papërsëritshëm për nga rrethanat. Ai me guxim e vendosmëri mori përsipër të vihet në krye të Federatës së Futbollit të Kosovës në kohën e aparteidit dhe shtypjes së popullit të Kosovës nga regjimi okupator i Serbisë, duke e bërë kësisoj futbollin si pjesë të rëndësishme të rezistencës sonë kombëtare në vitet e 90-ta të shekullit të kaluar ndaj pushtuesit serb, thuhet në këtë telegram ngushëllimi të FFK-së.

Më poshtë, telegrafi i FFK

Prishtinë, 10 tetor, 2020

E nderuara Familje Bytyqi,

Të nderuar, drejtues të KF “Liria”

Me pikëllim të thellë dhe zemër të thyer e morëm lajmin për ndarjen nga jeta të më të dashurit tuaj, kryetarit të parë të Federatës së Futbollit të Kosovës, Agim Bytyqi, ndaj ju lutem më lejoni që në emrin tim, Komitetit Ekzekutiv, klubeve, futbollistëve dhe tërë komunitetit të futbollit, të ju shpreh ngushëllimet më të sinqerta.

Kontributi i Agim Bytyqit për futbollin e Kosovës ishte kulminant, i jashtëzakonshëm dhe i papërsëritshëm për nga rrethanat.

Ai me guxim e vendosmëri mori përsipër të vihet në krye të Federatës së Futbollit të Kosovës në kohën e aparteidit dhe shtypjes së popullit të Kosovës nga regjimi okupator i Serbisë, duke e bërë kësisoj futbollin si pjesë të rëndësishme të rezistencës sonë kombëtare në vitet e 90-ta të shekullit të kaluar ndaj pushtuesit serb.

Përveç kohës së tij si drejtues i futbollit kosovar, Agim Bytyqi ishte emër i shquar edhe si futbollist, duke lënë gjurmë të pashlyeshme në klubin e qytetit të tij, Liria.

Agim Bytyqi ishte personalitet me kapacitete të larta intelektuale, patriot dhe njeri i urtë e i fjalës. Ai edhe në moshë të shtyrë asnjëherë nuk rreshti së dashuruari futbollin dhe për çdo sukses të Kombëtares së Kosovës derdhte lot gëzimi, andaj në këtë ditë të trishtë për futbollin tonë e kujtojmë me pietet dhe përkulemi para veprës së tij madhështore, e cila do të jetë e shkruar me shkronja të arta në historinë e futbollit të Kosovës.

I lehtë i qoftë dheu i Kosovës!

Me respekt,

Agim Ademi, president i FFK-së

https://www.facebook.com/FFKKosova/posts/3197041093757927