Zyrtare: Suspendohet Conte

Trajneri i Interit, Antonio Conte ka mësuar dënimin pas përleshjes me gjyqtarin në përballjen kundër Udineses.


Tekniku italian debatoi me arbitrin derisa shkonin në dhomën e zhveshjes, gjë që dërgoi deri në kartonin e kuq, transmeton lajmi.net.

Gjykata e Sportit ka marrë vendimin duke e diskualifikuar për dy ndeshjet e radhës dhe me një gjobë prej 20 mijë euro.

Pos tij, edhe drejtori Gabriele Oriali u dënua me një ndeshje dhe gjobë prej pesë mijë eurove, ngase edhe ai u ndëshkua me të kuq.

Pra, Conte automatikisht nuk do jetë në stolin e Interit për përballjen kundër rivalit lokal, AC Milan.